Әскери техника кез келген сәтте тапсырманы орындауға дайын болуы тиіс.
Бұл тек жауынгерлік қабілетке ғана емес, жол қозғалысы қауіпсіздігіне де тікелей қатысты, деп хабарлайды DKNews.kz.
Осы мақсатта Шымкент гарнизонында әскери бөлімдер мен мекемелердің автомобиль техникасына кешенді тексеру жүргізілді.
Әскери полиция қызметкерлері гарнизондағы әскери техника тұрақтарының жай-күйін қарап, көліктердің техникалық дайындығын, құжаттарының толықтығын және пайдалану талаптарының сақталуын бақылауға алды.
Жолдағы қауіпсіздік – басты назарда
Тексерудің негізгі мақсаты – әскери көліктердің жол жүрісі қауіпсіздігін қамтамасыз ету және әскери қызметшілердің қатысуымен болуы мүмкін жол-көлік оқиғаларының алдын алу.
Сонымен қатар, автомобиль техникасына жауапты мамандарға әскери автомобильдерді пайдалану тәртібін реттейтін нормативтік құқықтық құжаттардың талаптары тағы бір мәрте түсіндірілді.
Қандай техникалар тексерілді?
Бақылау барысында жеке құрамды тасымалдауға арналған барлық әскери көліктер қамтылды.
Инспекторлар:
- көліктердің сыртқы техникалық жағдайын;
- пайдалану талаптарының сақталуын;
- жүргізушілердің әскери билеттерін;
- әскери техниканы басқаруға рұқсат беретін белгісі бар жүргізуші куәліктерін тексерді.
Мұндай бақылау әскери техниканың күнделікті қызмет пен оқу-жаттығулар кезінде сенімді жұмыс істеуін қамтамасыз етуге бағытталған.
«Мақсат – қауіпсіздік пен техникалық дайындықты қамтамасыз ету»
Шымкент гарнизоны әскери полиция бөлімінің аға маман-жүргізуші инспекторы, ефрейтор Бағлан Доктырбайдың айтуынша, тексеру тек формальді шара емес.
«Тексерудің негізгі мақсаты — әскери техниканың техникалық жай-күйіне жан-жақты және объективті баға беру, оның белгіленген нормативтерге сәйкестігін тексеру, сондай-ақ күнделікті қызмет пен оқу-жаттығу міндеттерді орындау жағдайында пайдалану қауіпсіздігі мен тиімділігіне әсер етуі мүмкін ықтимал бұзушылықтарды уақтылы анықтау және жою».
Оның сөзінше, мұндай іс-шаралар тұрақты түрде өткізіліп тұрады.
«Мұндай тексеру іс-шаралары көлік құралдарының, арнайы және броньдалған техникасының техникалық жай-күйі мен жабдықталуының белгіленген талаптарға сәйкестігін тексеру, оларды пайдалануға байланысты құқық бұзушылықтардың алдын алу, сондай-ақ жүргізушілердің қызметтік-жауынгерлік міндеттерді орындау кезінде жол жүрісіне қатысуына жолдама беруді бақылау мақсатында тұрақты түрде өткізіледі».
Тексеру қорытындысы қандай болды?
Жүргізілген бақылау нәтижесінде Шымкент гарнизонындағы әскери техниканың техникалық дайындығы талапқа сай екені анықталды. Мамандардың бағалауынша, көліктер қауіпсіздік талаптарына сәйкес келеді және қажетті жағдайда қойылған міндеттерді орындауға дайын.
