Елде аптап пен найзағай қатар жүреді. Шығыстағы қолайсыз ауа райы жол қозғалысы мен даладағы жұмысты қиындатса, оңтүстікте күн +38°C-қа дейін ысиды.
6 тамызға арналған болжамды Қазгидромет жариялады, деп хабарлайды DKNews.kz.. Ең күрделі жағдай Өскемен мен Семейде күтіледі.
Шығыста бұршақ пен дауыл соғады
Өскеменде жаңбыр жауып, найзағай ойнайды. Күндіз бұршақ пен дауыл күтіледі, таңертең және күндіз екпінді жел соғады, ауа температурасы +28…+30°C болады.
Семейде де жаңбыр жауып, найзағай ойнайды. Күндіз бұршақ пен дауыл соғып, ауа +26…+28°C-қа дейін жылынады, түнде +16…+18°C көрсетеді.
Павлодарда жаңбыр мен найзағай түнде басталып, күндіз жауын-шашын бәсеңдейді. Ауа температурасы +25…+27°C-қа дейін көтеріліп, түнде желдің екпіні күшейеді.
Астана мен Алматыда найзағай ойнайды
Астанада жаңбыр мен найзағай түнде күтіледі. Күндіз термометр +26…+28°C, түнде +13…+15°C көрсетеді.
Алматыда күн ыстық болғанымен, аздаған жаңбыр жауып, найзағай ойнайды. Күндіз ауа +30…+32°C-қа дейін ысып, түнде +17…+19°C-қа түседі.
Қарағандыда түнде және таңертең жаңбыр жауып, найзағай ойнайды. Күндіз ауа температурасы +25…+27°C болады.
Солтүстікте де бұршақ жауады
Петропавлда күндіз аздаған жаңбыр жауып, найзағай ойнайды, бұршақ пен дауыл күтіледі. Желдің екпіні күшейіп, температура +24…+26°C-қа жетеді.
Қостанай мен Көкшетауда жауын-шашын болмайды. Алайда Қостанайды түнде және таңертең тұман басып, жолдардағы көріну қашықтығы төмендеуі мүмкін.
Қызылордада күн +38°C-қа дейін ысиды
Ең жоғары температура Қызылордада тіркеледі. Қалада жауын-шашынсыз +36…+38°C ыстық күтіледі.
Түркістанда ауа температурасы +34…+36°C-қа дейін көтеріледі. Тараз бен Атырауда +35°C, Шымкентте +32…+34°C болжанды.
Жезқазған, Орал және Ақтөбеде күн ашық әрі ыстық болады — термометр +31…+33°C көрсетеді. Ақтауда күндіз +30…+32°C, түнде +24…+26°C күтіледі.
Қонаев пен Талдықорғанда да жауын-шашын болмайды. Екі қалада да ауа температурасы +31…+33°C-қа дейін көтеріледі.
