Жаңа Даму Банкі (ЖДБ) Қытайдың банкаралық облигациялар нарығына 8,5 млрд юаньға (шамамен 1,2 млрд АҚШ доллары) облигацияларды орналастырды, деп хабарлады банк. Бүгінгі таңда бұл банктің юаньдағы ең үлкен облигация шығаруы.
Облигацияларды сатудан түскен таза түсім банкке мүше елдердегі инфрақұрылымды және тұрақты дамудағы қызметті қаржыландыруға жұмсалады, делінген ЖДБ хабарламасында.
«Біздің қызметімізді қолдау үшін ЖДБ жергілікті валюталарда, соның ішінде Қытайдың банкаралық облигациялар нарығында шығару және несие беру арқылы мүше елдердің жергілікті капитал нарықтарында қатысуын арттыруға тырысады», - деді Лесли Маасдорп, ЖДБ вице-президент және бас қаржы директоры.
Штаб-пәтері Шанхайда орналасқан ЖДБ-ны БРИКС елдері, атап айтқанда Бразилия, Ресей, Үндістан, Қытай және Оңтүстік Африка құрды. Банк ресми түрде 2015 жылдың шілдесінде ашылды. 2021 жылы ЖДБ мүшелікті кеңейтуге бастамашы болып, Бангладеш, Египет, Біріккен Араб Әмірліктері және Уругвайды жаңа мүше елдер ретінде қабылдады.
