Қытайдың шығысындағы Шанхайда қарашаның 5-10 аралығында өтуі жоспарланған 7-ші Қытай халықаралық импорт көрмесіне (CIIE) дайындық жұмыстары негізінен аяқталды, деп хабарлады Сауда министрлігінің ресми өкілі Хэ Ядун баспасөз мәслихатында.
2700-ден астам қатысушы компанияның экспонаттары көрме залдарына қойылды, ал 700-ден астам компанияның экспонаттары әлі тасымалдануда және 2 қарашаға дейін ЭКСПО өтетін жеріне келеді, деп қосты ол.
Хэ Ядунның айтуынша, аумағы 5 мың шаршы метрге жететін ЭКСПО-ның қоғамдық тамақтану аймағында шетелдік банк карталары төлемге қабылданады. Сонымен қатар, барлық стендтерге тамақ жеткізу қызметтері қолжетімді болады. 7-ші CIIE 152 елден, аймақтан және халықаралық ұйымнан қатысушыларды біріктірді. Осы ЭКСПО көрмесіне Fortune Global 500 тізімінің барлығы 297 компаниясы мен жетекші сала кәсіпорыны қатысады, бұл бұрынғы ұқсас шаралардың көрсеткіштерінен асып түсті.
Алғаш рет 2018 жылы іске қосылған CIIE Қытайдың жаңа даму архитектурасы үшін маңызды көрме-сөресіне, сондай-ақ әлемге даму мүмкіндіктерін ұсынатын жоғары деңгейдегі ашықтық алаңына айналды.
