Сәрсенбі күні Бейжің уақытымен сағат 11:00 шамасында алғашқы жүк пойызы Шыңжаң-Ұйғыр автономиялық ауданы, Тачэн округы (ШҰАА, Қытайдың солтүстік-батысы) уездік деңгейдегі Усу қаласынан Алматыға жол тартты. Бұл пойыздың жүріп тұруы Қытай-Еуропа /Қытай-Орталық Азия/ халықаралық теміржол тасымалы аясында тұрақты негізде жүзеге асырылатын болады. Алашанькоу бақылау өткізу бекеті арқылы 45 контейнерге автокөлік бөлшектері тиелген пойыз мемлекеттік шекарадан өтеді.
Үрімшіден 260 шақырымдай жерде орналасқан Усу станциясы 2024 жылдың қыркүйегінде Шыңжаңдағы Қытай-Еуропа/Қытай-Орталық Азия/ тұрақты халықаралық жүк тасымалының бастапқы нүктелеріне ресми түрде қосылды. Қолда бар деректерге қарағанда, осы айда Усу станциясынан төрт жүк пойызы жөнелтіліп, сәйкесінше Алашанькоу және Қорғас теміржол бақылау-өткізу пункттері арқылы Еуропа мен Орталық Азия нарығына тауар экспорттау үшін жолға шығады.
Бұл пойыздар Усуда және оған жақын аудандарда өндірілген арнайы ауылшаруашылық және өнеркәсіптік тауарларды тасымалдау үшін тиімді және ыңғайлы халықаралық логистикалық арнаны қамтамасыз етеді, сонымен қатар Еуропадан, Орталық Азиядан және басқа аймақтардан Шыңжаң мен Қытайға және бүкілқытайлық нарыққа жоғары сапалы өнімдердің келуіне ықпал етеді.
