Қытайдың XPENG электрмобиль өндірушісі әзірлеген Land Aircraft Carrier ұшатын көлігі сейсенбі күні Оңтүстік Қытайдың Чжухай қаласындағы 15-ші Қытай халықаралық әуе ғарыш салонында /Airshow China/ өзінің алғашқы жария рейсін жасады.
Әуе салонының бірінші күні ұшатын көлік алғаш рет төмен биіктікте сызықтық үдеу, спираль бойынша көтерілу, біркелкі жылдамдықпен түсу және дәл қонуды орындады, бүкіл процесс автопилотта жүзеге асырылды.
XPENG Huitian (XPENG ұшатын көлік өндіру еншілес компаниясы) негізін қалаушы Чжао Дэлидің айтуынша, электрлік көлік болып табылатын жердегі модуль ауа модулін тасымалдайды және зарядтайды. Жердегі модульге ауа модулін орналастыру және босату үшін бар болғаны бес минут қажет, бүкіл процесс барысында қолмен басқару қажет емес.
Қазіргі уақытта ұшатын көліктер шығаратын интеллектуалды базаның құрылысы жүргізілуде, ол жоспарға сәйкес 2025 жылдың үшінші тоқсанында аяқталады. Жаңа көліктердің жылдық өндірісі 10 мың дана болады деп күтілуде. 2026 жылы ұшатын көліктерді жаппай өндіру және тұтынушыларға жеткізу басталады.
