Қытай Ұлттық мұнай-газ корпорациясының (CNPC) бұрынғы басқарма төрағасы Ван Илиньге пара алды деген айып тағылды, деп хабарлады ҚХР Жоғарғы халықтық прокуратурасы /ЖХП/.
Прокуратураның айыптау актісінде Ван Илиньнің аталған корпорацияда бірқатар лауазымдарды атқара отырып, өзінің қызметтік бабын басқа тұлғалардың мүддесі үшін асыра пайдаланып, сол үшін олардан аса ірі көлемде ақша мен материалдық құндылықтар алғаны көрсетілген.
Оған қатысты қылмыстық істі Ішкі Моңғолия автономиялық ауданы Ордос қаласының халықтық прокуратурасы ашып, істі сол қаланың орта сатыдағы халық соты қарайды.
