14 жылдан астам уақыт ішінде Қытай-Орталық Азия газ құбыры арқылы Қытайға 500 млрд текше метрден астам табиғи газ жеткізілді, деп хабарлады қытайлық PipeChina корпорациясының West Pipeline Company компаниясы.
Осы кезеңде жоғарыда аталған газ құбырының арқасында өндірілетін энергия көлемі 666 миллион тонна көмірді пайдаланумен тең, бірақ сонымен бірге көмірқышқыл газының шығарындыларын 731 млн тоннаға азайтты.
Жалпы ұзындығы 1833 шақырымды құрайтын, жобалық қуаты жылына 60 млрд текше метр газды құрайтын газ құбыры 2009 жылдың желтоқсан айында пайдалануға берілді. Ол арқылы айдалатын көгілдір отынның тәуліктік максималды көлемі 160 млн текше метрден асады.
Қытайдың алғашқы трансұлттық газ құбыры ретінде Түркіменстан мен Өзбекстан шекарасынан бастау алып, Өзбекстан мен Қазақстан аумағынан өтіп, Қытайдың Қорғастағы Батыс-Шығыс газ құбырымен /Шыңжаң-Ұйғыр автономиялық ауданы, Қытайдың солтүстік-батысында/ қосылады.
Қытай-Орталық Азия газ құбыры 27 провинция деңгейіндегі аймақ пен Гонконг арнайы әкімшілік аймағындағы 500 миллионнан астам тұрғынды газбен қамтамасыз етті.
