Иранның мұнай министрі Мохсен Пакнежад сейсенбі күні 2025 жылға ОПЕК-тің президенті болып сайланды, деп хабарлады Иранның ресми ақпарат агенттігі IRNA.
ОПЕК өзінің веб-сайтындағы пресс-релизінде алдағы жылға президент сайлауын растады және Габонның мұнай министрі Марсель Абекеге 2024 жылы ұйымның президенті ретінде басшылық еткені үшін алғыс айтты.
IRNA ақпарат агенттігінің хабарлауынша, М.Пакнежад ұйымның тұрақтылығын, ынтымақтастығын және ілгерілеуін сақтау үшін барлық мүмкіндіктерді пайдалануға адалдығын баса айтты.
ОПЕК пресс-релизіне сәйкес, ОПЕК конференциясы 2025 жылдың 1 тамызынан бастап Хайтам әл-Гайстың бас хатшы лауазымындағы өкілеттігін тағы үш жылға ұзартты.
ОПЕК төрағалығы 2025 жылдың 1 қаңтарынан бастап Иранға өтеді.
