Бейжіңде ҚХР Сыртқы істер министрі Ван И Вьетнам Премьер-Министрінің орынбасары және Сыртқы істер министрі Буй Тхань Сонмен бірге Қытай-Вьетнам екіжақты ынтымақтастық комитетінің 16-шы отырысына төрағалық етті.
Сонымен қатар ҚКП Орталық Комитеті Саяси Бюросының мүшесі Ван И екі партия мен екі елдің жоғары басшылары Қытай-Вьетнам тағдыры ортақ қоғамдастығын одан әрі құру бойынша маңызды бәтуалыстыққа жеткенін және екі елдегі социалистік құрылыс елеулі кезеңге аяқ басқанын мәлімдеді.
Келесі жылы Қытай мен Вьетнам арасындағы екіжақты дипломатиялық қарым-қатынастардың орнағанына 75 жыл және Гуманитарлық алмасу жылы аталып өтетінін еске салып, Ван И Қытайдың Вьетнам жағымен екі елдің модернизациясына ықпал ету үшін ынтымақтастықтың келесі кезеңін стратегиялық биіктіктен және ұзақ мерзімді болашақта дайын екенін атап өтті.
ҚХР Сыртқы істер министрі тұрақты стратегиялық бағдарды сақтаудың, жоғары деңгейдегі алмасулар мен мақсатты ынтымақтастықты сақтаудың маңыздылығын атап өтті. Ол қауіпсіздік негіздерін нығайтуға және дипломатия, қорғаныс және қоғамдық қауіпсіздік мәселелері бойынша «3+3» форматындағы стратегиялық диалог тетігін тиімді пайдалануға шақырды.
Қытай дипломаты екі жақ тұрақты және үздіксіз трансшекаралық өндірістік- өткізу тізбегін құруы керек, жаңа пайда болған салалардағы ынтымақтастықты тереңдетіп, халықтар арасындағы достықты нығайтуы керек деп, екі ел арасындағы қосымша әуе рейстерін арттыру керектігін айтты.
Буй Тхань Сон Вьетнам екі партия мен елдің жоғары басшылары қол жеткізген маңызды бәтуаластықты жүзеге асыруға және келесі жылы дипломатиялық қарым-қатынастардың 75 жылдығын жоғары деңгейдегі жиі байланыстар мен саяси өзара сенімді үздіксіз нығайту мүмкіндігі ретінде пайдалануға дайын екенін айтты.
Вьетнам Қытаймен экономика, сауда, инфрақұрылым, ауыл шаруашылығы сияқты салаларда өзара тиімді ынтымақтастықты тереңдетуге, мәдени-гуманитарлық және аймақаралық алмасуларды кеңейтуге, көпжақты мәселелер бойынша өзара іс-қимыл мен үйлестіруді күшейтуге, келіспеушіліктерді дұрыс шешуге және болашағы ортақ вьетнам-қытай қауымдастығының құрылысын жоғарырақ деңгейге жылжытуға жәрдемдесуге дайын, деп атап өтті Вьетнам СІМ басшысы.
Екі елдің сыртқы істер министрлері екі ел арасындағы құрлық шекарасының демаркациялануының 25 жылдығына және Қытай мен Вьетнам арасындағы құрлық шекарасы және тиісті шекаралық өткізу бекеттерін басқару туралы үш құқықтық құжатқа қол қойылғанына 15 жыл толуына арналған іс-шараларға қатысты.
