Осы жылдың 11 айында Шыңжаң-Ұйғыр автономиялық ауданы (ШҰАА, Солтүстік-Батыс Қытай) мен оның ірі сауда серіктесі Қазақстан арасындағы тауар айналымы жылдық есептеуде 17,6 пайызға өсті. Бұл туралы жергілікті кеден хабарлады.
Статистикаға сәйкес, Шыңжаңның Орталық Азия елдерімен сыртқы сауда көлемі есепті кезеңде жылдық есептеуде 6,9 пайызға артқан.
Қаңтар мен қараша аралығында Шыңжаңның жалпы сыртқы саудасы алғаш рет 400 млрд юань шегінен асып, 403,11 млрд юаньға жетіп, жылдық есептеуде 26 пайызға өсті. Бұл көрсеткіштің өсу қарқыны бойынша Шыңжаң елде көш бастап тұр. Атап айтқанда, ШҰАА экспорты 27 пайызға өсіп, 343,04 млрд юаньға, ал импорт 60,07 млрд юаньға жетіп, 20,7 пайызға өсті.
ШҰАА-дағы мемлекеттік пилоттық еркін сауда аймағы (ЕСА) сыртқы тауар айналымының өсуіне маңызды ынталандыруға айналды. Биылғы жылдың 11 айында бұл еркін аймақтың сыртқы сауда көлемі 162,92 млрд юаньға жетіп, ШҰАА экспорты мен импортының жалпы көлемінен 40,4 пайызды құрады.
