Минск қаласында оқушылар мен студенттер арасында Беларусьтің сянци (қытай шахматы) бойынша 5-ші чемпионаты өтті, деп хабарлайды Xinhua.
Беларусь мемлекеттік экономикалық университетінде өткен шараға 60-қа жуық студент, оның ішінде төрт ҚХР азаматы қатысты. Әр түрлі жас санаттары бойынша кубоктар, жүлделер мен медальдар сарапқа салынды.
Чемпионат 2015 жылы шағын энтузиастар тобы бастаған Беларусьтегі сянци дамуының 10 жылдығына арналған 2025 жылғы іс-шаралардың біріншісі болды. Осы кезеңде елде жүздеген ойын жанкүйерлерін біріктірген сянци федерациясы құрылды. Беларусь федерациясы атап өткендей, Сянци ойыны интеллектті дамытып қана қоймайды, сонымен қатар Қытай мәдениетін түсінуге, мәдениетаралық байланыстарды және қытайлық серіктестермен экономикалық қарым-қатынасты қалыптастыруға жақсы әдіс болып табылады.
Студенттер арасындағы турнирде Беларусь мемлекеттік университетінің /БМУ/ атынан шыққан Қытайдан келген 24 жастағы Дан Цзяжуй жеңімпаз атанды. Оқушылар арасындағы негізгі турнирлерді ағалы-қарындас: Минск қаласының №76 орта мектебінде оқитын 16 жастағы Алексей Будкевич пен 12 жастағы Анна Будкевич жеңіп алды.Турнир БМУ Қытайтану Республикалық Конфуций институты Конфуций кабинетінің бастамасымен өтті. 2018 жылдан бастап «Сянци» қытайлық шахмат клубы Конфуций кабинетінің жетекші қызметінің бірі болды. Шараның серіктес ұйымдастырушысы ретінде Беларусь сянци федерациясы болды.
