Сиань-Алматы бағытында 200-ден астам жолаушысы бар Қытай-Орталық Азия халықаралық туристік пойызы Қытайдың солтүстік-батысындағы Шыңжаң-Ұйғыр автономиялық ауданындағы «Қорғас» теміржол БӨБ арқылы Қытайдан шығып, Қазақстанның Алматы қаласына бет алды, деп хабарлайды Xinhua.
Осы туристік пойыз Қытайдың солтүстік-батысындағы Шэньси провинциясындағы Сиань қаласынан 29 мамырда жолға шықты.
Кестеге сәйкес, 5 маусымда Алматыдан шығып, 7 маусымда Сианьға қайтады. Қорғас теміржол БӨБ әкімшілігі жолаушыларға кедергісіз билет айырбастау, бақылау бекетінде тексеру және елден тиімді шығу үшін жергілікті кеден, шекара инспекциясы және басқа да мекемелермен тығыз байланыста болды. Еске салайық, 2024 жыл Қытайдағы Қазақстанның туризм жылы болса, 2025 жыл Қазақстандағы Қытайдың туризм жылы болып жарияланған болатын. Қолда бар ақпаратқа сәйкес, Алматыда Сиань мен Алматы қалалары арасында гуманитарлық және туристік алмасулар апталығы өтеді, оның аясында бірқатар көрмелер, кездесулер, дәрістер және футболдан жолдастық матчтар өтеді. Бұл іс-шаралар аясында материалдық емес мәдени мұраларды көрсету, мәдени жәдігерлер көрмесі, дәстүрлі қытай медицинасының мәдениетін ілгерілету, археология саласындағы ғылыми алмасулар, сондай-ақ екі елдің кәсіпкер әйелдерінің кездесуі болады.
2023 жылдың мамыр айында Қытай мен Қазақстан өзара визалық талаптардан босату туралы үкіметаралық келісімге қол қойып, құжат сол жылдың қарашасында ресми түрде күшіне енді. Қазақстан қытайлық туристер арасында танымал бағытқа айналуда. Статистикаға сәйкес, 2024 жылдың соңына қарай Орталық Азияның осы еліне қытайлық туристер ағыны 655 мың адам-ретті құрады, бұл бір жыл бұрынғыдан 78 пайызға артық.
