Қытайдың оңтүстік-батысындағы Сычуань провинциясының әкімшілік орталығы Чэнду қаласында жаһандық тұрақты дамуда цифрлық технологияны қолданудағы ынтымақтастық мәселелеріне бағытталған «Цифрлық Белдеу мен жол» 9-шы халықаралық конференциясы ашылды, деп хабарлайды Xinhua.
Конференцияға 30-ға жуық ел мен аймақтан сарапшылар, ғалымдар мен мекемелер өкілдері қатысты.
Іс-шараны халықаралық «Цифрлық Белдеу және жол» ғылыми бағдарламасы (DBAR), Чэнду политехникалық университеті және Тұрақты даму мақсаттары үшін халықаралық үлкен деректерді зерттеу орталығы бірлесіп ұйымдастырды, делінген Чэнду қаласы халық үкіметінің ресми веб-сайтында жарияланған мәлімдемеде. DBAR тұрақты даму саласындағы өзегі цифрлық технологиялар болып табылатын шешімдерді қалыптастыруды ілгерілету үшін әртүрлі елдер үкіметтерімен, ғылыми-зерттеу институттарымен және халықаралық ұйымдармен ынтымақтастықты тереңдетуді жалғастырады. Қытай ғалымдары 2016 жылы бастаған DBAR бағдарламасы ауыл шаруашылығы және азық-түлік қауіпсіздігі, климат және қоршаған орта, апаттар қаупі, табиғи және мәдени мұра, қалалар мен инфрақұрылым, су ресурстары және су қауіпсіздігі, жағалау аймақтары мен мұхиттар, сондай-ақ таулар мен полярлық суық аймақтар сияқты сегіз саладағы тұрақты даму сын-қатерлеріне жауап беру үшін кеңінен танылған ақпарат өнімдерінің сериясын шығарды.
