Биылғы жылдың алғашқы бес айында Шыңжаң-Ұйғыр автономиялық ауданының сыртқы сауда көлемі жылдық есептеуде 22,9 пайызға артып, 227,67 млрд юаньға жетті, деп хабарлады жергілікті кеден, деп хабарлайды Xinhua.
Атап айтқанда, Шыңжаңның сыртқы сауда айналымы мамыр айында 61,81 млрд юаньға жетіп, өткен жылдың осы кезеңімен салыстырғанда 30,8 пайызға артқан.
Шыңжаңның «Белдеу және жол» елдерімен саудасы осы жылдың қаңтар-мамыр айларында 13,8 пайызға өсті. Шыңжаңның сыртқы сауда айналымындағы үлесі 84,8 пайызды құрады. Қазақстан мен Қырғызстан Шыңжаңның ірі сауда серіктестері болды. Шыңжаңның сыртқы сауда айналымындағы Орталық Азияның бес елімен тауар саудасының үлесі 49,5 пайызды құрады.
Сонымен қатар, Шыңжаң АСЕАН және ЕО елдерімен тауар айналымын айтарлықтай арттырды. Өткен жылдың сәйкес кезеңімен салыстырғанда көрсеткіштер сәйкесінше 91,6 және 55,7 пайызға өсті. Осы жылдың қаңтар-мамыр айларында Шыңжаңнан экспортталған электрмеханикалық өнімдердің көлемі 43,8 пайызға өсті. Оның Шыңжаңның экспорт көлеміндегі үлесі 40,2 пайызға жетті.
