Бейсенбі күні Бейжіңде Қытай Халық Республикасының Сыртқы істер министрлігі 2026 жылдың басталуына орай ресми қабылдау ұйымдастырды.
Шараға түрлі елдердің дипломатиялық корпусының мүшелері, Қытайдағы халықаралық ұйымдардың өкілдері және мемлекеттік мекемелерден келген барлығы 500-ге жуық адам қатысты, деп хабарлайды Xinhua.
Қабылдауда сөз сөйлеген ҚКП Орталық комитеті Саяси бюросының мүшесі, ҚХР Сыртқы істер министрі Ван И 2025 жылы Біріккен Ұлттар Ұйымының құрылғанына 80 жыл толғанын еске салды. Оның айтуынша, өткен жылы халықаралық қатынастардағы күрделі ахуалға қарамастан, қытай дипломатиясы өз бағытын берік ұстанды.
Министр ҚХР Төрағасы Си Цзиньпин ұсынған Жаһандық басқару бастамасы әлемдік тәртіптің эволюциясы жүріп жатқан маңызды кезеңде адамзатқа алға бастайтын жол нұсқағанын атап өтті.
Халықаралық ахуал қалай өзгерсе де, Қытайдың халықаралық әділеттілік пен әділдікті қорғау ұстанымы және адамзаттың ортақ тағдыр қауымдастығын құруға деген адалдығы өзгермейтінін Ван И ерекше атап өтті. Оның айтуынша, биылғы жылы жаһандық жағдай одан әрі тұрақсыз бола түсуі мүмкін, ал бейбітшілік пен даму күрделі сын-қатерлерге тап болады. Қытай барлық прогрессивті күштермен бірге адамзаттың болашағы жайлы ойлауға, халықтардың әл-ауқатына қамқор болуға және жарқын келешек құруға жаңа үлес қосуға дайын екенін білдірді.
Ван И бейбітшілік пен заң үстемдігін бірлесіп қорғауға, ашықтық пен дамуды ілгерілетуге, дағдарыстар мен сын-қатерлерді еңсеруге, өзара түсіністік пен достықты тереңдетуге шақырды.
Қытайдағы дипломатиялық корпустың дуайені, Камерунның ҚХР-дағы елшісі Мартин Мпана дипломатиялық корпус атынан қытай халқына жақындап келе жатқан Көктем мерекесімен жылы лебізін жеткізді. Ол Қытайдың 2025 жылғы сыртқы саясаттағы жетістіктерін, әсіресе Жаһандық басқару бастамасын жоғары бағалап, оның әлемдегі бейбітшілік пен дамуға зор маңызға ие екенін атап өтті.
М. Мпана елдердің Қытаймен өзара түсіністікті нығайтуға, достықты тереңдетуге және ынтымақтастықты жаңа деңгейге көтеруге дайын екенін, сондай-ақ халықаралық әділеттілікті қорғап, ортақ өркендеуге үлес қосуға ниетті екенін жеткізді.
Xinhua Silk Road - Belt and Road Portal, China
