Қытайда өздігінен әзірленген алты дөңгелекті «Сюэбао» («Қар барысы») атты көлік Антарктиканың аса қатал жағдайларында жүргізілген сынақтарды сәтті аяқтап, 10 мың шақырымнан астам қашықтықты ақаусыз жүріп өтті. Бұл туралы сейсенбі күні Қытайдың 42-ші антарктикалық экспедициясының тобы хабарлады, деп хабарлайды Xinhua.
Өткен жылдың 5 желтоқсанынан бастап биылғы жылдың ақпан айының басына дейін қызыл түсті бұл көлік Қытайдың «Чжуншань» станциясында, сондай-ақ Антарктиканың ішкі бөліктеріндегі бес түрлі типтік жер бедерінде сынақтан өтті. Атап айтқанда, сынақтар теңіз мұзында, қиыршық тасты жерде, жұмсақ және қатты қар жамылғысында, сондай-ақ қатты мұз үстінде жүргізілді.
Экспедиция тобының мәліметінше, аталған көліктің сынақтан сәтті өтуі Антарктикада жедел құрлықтық тасымалды қамтамасыз ету, ғылыми зерттеулерге қолдау көрсету және төтенше жағдайда құтқару жұмыстарын жүргізуге арналған техникадағы олқылықтың орнын толтыруға мүмкіндік берді.
