Дүйсенбі күні таңертең Қытай Коммунистік партиясы Орталық комитетінің Бас хатшысы Си Цзиньпин Бейжің қаласындағы ақпараттық технологиялар (IT) саласына арналған инновациялық паркке барды, деп хабарлайды Xinhua.
Сапар барысында Си Цзиньпин ақпараттық технологияларды қолдану мен инновациялық әзірлемелермен, сондай-ақ Бейжіңнің халықаралық ғылыми-технологиялық инновациялар орталығын жедел қалыптастыру бағытындағы жұмыстарымен танысты. Ол ғылыми-техникалық инновациялар жетістіктерінің көрмесін аралап, зерттеушілермен және ғылыми-технологиялық кәсіпорындардың басшыларымен әңгімелесті.
Си Цзиньпин ғылыми-технологиялық өзін-өзі қамтамасыз етуге қол жеткізудің маңыздылығын атап өтіп, оны қуатты әрі жаңғырған социалистік мемлекетті құрудың «кілт факторы» деп атады.
