2026 жылдың басынан бері Қытайдың сыртқы саудасы тұрақты өсім көрсетіп келеді. Алғашқы екі айдың қорытындысы бойынша елдің тауар экспорты мен импортының жалпы көлемі жылдық есеппен 18,3 пайызға артты. Бұл туралы Қытайдың Бас кеден басқармасы жариялаған ресми деректерде айтылды, деп хабарлайды Xinhua.
Мәліметтерге сәйкес, қаңтар–ақпан айларында Қытайдың жалпы тауар айналымы 7,73 трлн юаньға (шамамен 1,12 трлн АҚШ доллары) жетті.
Оның ішінде экспорт көлемі 4,62 трлн юаньды құрап, өткен жылдың сәйкес кезеңімен салыстырғанда 19,2 пайызға өсті. Ал импорт көлемі 3,11 трлн юань болып, 2025 жылдың осы кезеңімен салыстырғанда 17,1 пайызға артты.
Есепті кезеңде жоғары қосылған құны бар жоғары технологиялық және электромеханикалық өнімдердің экспорты жылдық есеппен 24,3 пайызға көбейді.
Сонымен қатар Қытайдағы Көктем мерекесіне (Қытайдың жаңа жылы) байланысты тоғыз күндік демалыс кезеңінде тұтынушылық шығындардың өсуі импортқа деген тұрақты сұранысты арттырды. Алғашқы екі айда Қытайға механикалық және электротехникалық өнімдер, темір кені мен шикі мұнай импорты екі таңбалы өсім көрсетті.
