Қытай дүйсенбі күні елдің солтүстік-батысындағы Цзюцюань ғарыш айлағынан «Куайчжоу-11 Y7» зымыран тасығышын ұшырып, ғарышқа сегіз жаңа спутник шығарды, деп хабарлайды Xinhua.
Зымыран Бейжің уақыты бойынша 12:12-де ұшырылды.
Сонымен қатар жексенбі күні Шаньси провинциясындағы Тайюань ғарыш айлағынан Жерді қашықтан зондтауға арналған жаңа спутник те ұшырылды.
«Яогань-50 02» спутнигі «Чанчжэн-6» зымыран тасығышының көмегімен 21:22-де ұшырылып, белгіленген орбитаға сәтті шығарылды.
Бұл спутник негізінен жер ресурстарын зерттеу, ауыл шаруашылығы өнімділігін бағалау, табиғи апаттардың алдын алу және олардың салдарын азайту мақсатында пайдаланылады.
Бұл миссия «Чанчжэн» зымыран тасығыштары сериясы үшін 633-ші ұшыру болды.
