Қытай соңғы 40 жыл бойы орман алқаптарының аумағын және орман қорын тұрақты түрде ұлғайтып, көгалдандыру саласында айтарлықтай жетістіктерге қол жеткізді, деп хабарлайды Xinhua.
Бұл туралы Қытайдың Орман және дала шаруашылығы жөніндегі мемлекеттік басқармасы хабарлады.
Елдегі орман алқаптарының аумағы 3,614 млрд муға (шамамен 241 млн гектар) жетіп, орман жамылғысының деңгейі 25,09 пайызды құрады. Бұл Қытайды көгалдандыру көлемі мен қарқыны бойынша әлемдік көшбасшыға айналдырады.
14-бесжылдық (2021–2025 жж.) кезеңінде ел экожүйелерді қорғау және қалпына келтіру бойынша ауқымды бағдарламаларды жүзеге асырып, 549 млн му аумақты көгалдандырды, 4,34 млн му батпақты жерді қалпына келтірді және 152 млн му шөлейттенуге ұшыраған жерді қайта өңдеді.
Ведомство мәліметінше, бұл жұмыстар экологиялық ғана емес, экономикалық тиімділік те әкелуде. Қазіргі уақытта Қытайдағы орман және жайылым экожүйелеріне байланысты экологиялық қызметтердің құны жылына 30 трлн юаньнан (шамамен 4,35 трлн АҚШ доллары) асады.
Сонымен қатар орман өнімдерінің жылдық өндірісі 240 млн тоннадан асты, ал экотуризм саласындағы сапарлар саны жылына кемінде 3 млрд-ты құрайды.
