Қытайда листингтегі компаниялар мен қор нарығын реформалау жалғасуда. Қытайдың бағалы қағаздарды реттеу комитетінің төрағасы У Цин ChiNext алаңында акцияларды орналастыруды реттеу үшін жаңа, неғұрлым икемді стандарттар енгізілетінін мәлімдеді, деп хабарлайды Xinhua.
Бұл алаңда жаңа тұтыну саласы мен заманауи қызмет көрсету секторында жұмыс істейтін инновациялық компанияларға қолдау көрсетіледі.
Реформа аясында негізгі технологиялар саласында серпіліс жасаған компаниялар үшін IPO алдындағы тексеру жүйесі енгізіледі. Сонымен қатар жаңа акцияларды шығару кезінде баға белгілеу тетіктері жетілдіріледі.
Сарапшылардың пікірінше, бұл шаралар нарықты «P/E коэффициентіне негізделген ойлаудан» «құндылыққа негізделген ойлауға» көшіруге мүмкіндік береді және ұзақ мерзімді капиталдың ағылуын жеделдетеді.
