Дүйсенбі күні Қытайдың Шанхай қаласы мен Өзбекстан астанасы Ташкент арасындағы алғашқы тікелей тұрақты әуе рейсі сәтті орындалды. Бұл бағыт бойынша тікелей әуе қатынасын China Eastern Airlines қытай әуе компаниясы ашты, деп хабарлайды Xinhua.
Ұшулар аптасына төрт рет — дүйсенбі, сейсенбі, бейсенбі және сенбі күндері Airbus A330 ұшақтарымен жүзеге асырылады. Рейс нөмірі MU6037/8, ұшу уақыты шамамен сегіз сағатты құрайды.
Uzbekistan Airports компаниясының мәліметінше, жаңа бағыттың іске қосылуы авиациялық және туристік байланыстарды нығайтуға, іскерлік ынтымақтастықты кеңейтуге, сондай-ақ Өзбекстан мен Қытай арасындағы мәдени-гуманитарлық алмасуларды тереңдетуге қосымша мүмкіндіктер ашады.
