Қытай мен Франция БҰҰ Қауіпсіздік кеңесінің тұрақты мүшелері әрі ірі тәуелсіз мемлекеттер ретінде халықаралық бейбітшілікті, тұрақтылық пен дамуды қолдауда маңызды жауапкершілік арқалайды. Бұл туралы ҚКП ОК Сыртқы істер комиссиясы кеңсесінің жетекшісі Ван И Бейжіңде Франция президентінің дипломатиялық кеңесшісі Эммануэль Боннмен кездесу барысында мәлімдеді.
Ван И Қытайдың Франциямен стратегиялық өзара іс-қимылды нығайтуға, екіжақты ынтымақтастықты дамытуға және жаһандық мәселелер бойынша үйлестіруді күшейтуге дайын екенін атап өтті. Ол тараптардың негізгі мүдделерін өзара құрметтеудің, соның ішінде Францияның «бір Қытай» қағидатын сақтауын маңызды деп атады.
Эммануэль Бонн Францияның «бір Қытай» саясатына бейілділігін растады және Париждің Еуропа мен Қытай арасындағы диалог пен ынтымақтастықты дамытуға мүдделі екенін мәлімдеді. Тараптар сондай-ақ жаһандық экономикалық басқару мәселелері мен Таяу Шығыстағы ахуалды талқылады.
