Қорғаныс министрліктерінің 120-дан астам лауазымды тұлғасы, ғалымдар және 40-тан астам ел мен халықаралық ұйым өкілдері халықаралық және өңірлік қауіпсіздіктің өзекті мәселелері мен жаһандық басқарудың болашағын талқылау үшін Бейжіңдегі Сяншань форумының навигаторлар кеңесіне жиналды.
Қытай әскери ғылым қауымдастығы мен Қытай халықаралық стратегиялық зерттеулер институты бірлесіп ұйымдастырған бұл кездесу биыл күзде өтетін Бейжің Сяншань форумының алдындағы дайындық шарасы болып табылады.
Екі күндік кеңес барысында Бразилия, Германия, Франция, Ресей және басқа да елдердің қатысушылары халықаралық тәртіп пен құқық үстемдігі, Азия-Тынық мұхиты аймағындағы жаңа қауіпсіздік мәселелері, жаһандық қауіпсіздік үшін ортақ жауапкершілік, сондай-ақ жаңа технологияларды әскери мақсатта қолдануға байланысты тәуекелдер мен оларды басқару тақырыптарында дөңгелек үстел форматында пікір алмасады.
Биыл Бейжің Сяншань форумының құрылғанына 20 жыл толып отыр. Осыған орай навигаторлар кеңесі аясында арнайы мерейтойлық сессия өтеді. Оған әлемнің түкпір-түкпірінен қорғаныс және қауіпсіздік саласының сарапшылары қатысып, форумның диалогты дамыту, ортақ мәмілеге келу және келіспеушіліктерді азайтудағы рөлін талқылайды.
