Қытай Чжэцзян провинциясының Ханчжоу қаласында өткен 2026 жылғы Дүниежүзілік цифрлық білім беру конференциясы барысында жасанды интеллект негізіндегі жаһандық білім беру қызметтері платформасының іске қосылғанын жариялады.
Жаңа платформа сапалы білім беру ресурстарымен трансшекаралық алмасуға және жасанды интеллектіні білім беру саласына одан әрі интеграциялауға ықпал етуді көздейді.
Жоба әлемнің шамамен 220 елі мен өңірінде қолжетімді болған Smart Education of China цифрлық платформасын жаңарту аясында жүзеге асырылды. Жаңартылған нұсқада өмір бойы білім алу орталығы мен қытай тілін үйрену қауымдастығын қоса алғанда, халықаралық сервистер кеңейтілді.
11–13 мамыр аралығында өткен конференция барысында Қытайдың білім беру саясаты мен интеллектуалды оқыту саласындағы инновациялық тәсілдер бойынша қол жеткізген жетістіктері туралы баяндама да жарияланды.
Сонымен қатар іс-шараға қатысушылар жасанды интеллектіні адамның жан-жақты әрі тұрақты дамуын қолдау үшін белсендірек пайдалануға, сондай-ақ сапалы білім беру ресурстары мен цифрлық құралдар алмасу арқылы жаһандық цифрлық алшақтықты қысқартуға шақыратын ИИ-білім беру бастамасын ұсынды.
