Қытайдың солтүстік-шығысындағы Хэйлунцзян провинциясының әкімшілік орталығы Харбин қаласында өтіп жатқан 10-шы Қытай-Ресей ЭКСПО-сы кең жұртшылық үшін ашылды.
Халықаралық көрмеге әлемнің 46 елі мен өңірінен 1500-ден астам компания мен ұйым қатысуда.
ЭКСПО Қытай мен Ресей арасындағы сауда-экономикалық ынтымақтастықты дамытуға, сондай-ақ өнеркәсіп, жоғары технологиялар, логистика, энергетика және мәдени алмасу секілді түрлі салалардағы халықаралық іскерлік байланыстарды нығайтуға арналған ең ірі алаңдардың біріне айналды.
