Қытай мен АҚШ-тың сауда-экономикалық топтары тарифтік мәселелер бойынша тығыз байланыста болып, нақты тетіктерді пысықтайды және қол жеткізілген келісімдерді мүмкіндігінше тезірек іске асыру үшін күш-жігер жұмсайды. Бұл туралы бейсенбі күні Қытай Сауда министрлігінің ресми өкілі Хэ Ядун мәлімдеді.
Кезекті баспасөз мәслихатында сөйлеген Хэ Ядун тарифтердің ұзақ уақыт бойы Қытай мен АҚШ арасындағы сауда-экономикалық қатынастардағы негізгі мәселелердің бірі болып келгенін атап өтті.
Екі мемлекеттің басшыларының стратегиялық басшылығымен екі тараптың сауда-экономикалық топтары тарифтік мәселелер бойынша жан-жақты пікір алмасып, тиісті жұмыс бағыттарын айқындаған.
«Қытай АҚШ тарапы өз міндеттемелерін орындайды және екі ел арасындағы сауда-экономикалық ынтымақтастықты кеңейту үшін қолайлы жағдай жасайды деп үміттенеді», — деді Хэ Ядун.
Ол сондай-ақ тараптар сауда кеңесі аясында әр тарап үшін көлемі кемінде 30 млрд АҚШ долларын құрайтын тауарларға өзара тарифтерді төмендету жөніндегі негіздемелік келісімді талқылау туралы қағидаттық келісімге келгенін айтты.
