ҚХР Сауда министрлігі Қытайдың экспорттық бақылау туралы заңнамасына және қос мақсаттағы тауарларды реттеу қағидаларына сәйкес АҚШ-тың 10 компаниясын экспорттық бақылау тізіміне енгізгенін жариялады.Ведомствоның мәліметінше, бұл шешім ұлттық қауіпсіздік пен ел мүдделерін қорғау, сондай-ақ таратпау саласындағы халықаралық міндеттемелерді орындау мақсатында қабылданған.
Қаулы жарияланған сәттен бастап күшіне енді. Жаңа талаптарға сәйкес Қытай экспорттаушыларына келесі компанияларға қос мақсаттағы тауарларды жеткізуге тыйым салынады: Aveox, Inc., Red Cat Holdings, Inc., Teal Drones, Inc., IMSAR, Jaia Robotics, Inc., Ball Aerospace & Technologies Corp., Oshkosh Defense, L3Harris Maritime Services, Inc., MP Materials Corp. және USA Rare Earth, Inc..
Сонымен қатар кез келген елдер мен өңірлердің ұйымдары мен жеке тұлғаларына қытайлық тектегі қос мақсаттағы тауарларды аталған компанияларға беруге тыйым салынады.
ҚХР Сауда министрлігінде мұндай өнімдерді көрсетілген компанияларға жеткізуге байланысты барлық қызмет дереу тоқтатылуы тиіс екені атап өтілді. Бұл шешім азаматтық әрі әскери мақсатта пайдаланылуы мүмкін өнімдердің жеткізілімін реттеуге бағытталған қолданыстағы экспорттық бақылау тетігінің бір бөлігі болып табылады.
