Бейжіңдегі Шетелдегі қытайлар тарихы музейінде 27 маусымнан бастап Қытай мен Америка Құрама Штаттары халықтары арасындағы достық байланыстарға арналған тақырыптық көрме өтіп жатыр.
Көрмеде алтын өндіруге арналған құралдар, теміржол шегелері, ауыл шаруашылығы еңбек құралдары, құжаттар мен газеттер, танымал тұлғалардың тұрмыстық заттары, сондай-ақ Қытай халқының жапон басқыншыларына қарсы соғысы кезеңіндегі төсбелгілерді қоса алғанда 100 тарихи жәдігер ұсынылған. Экспозиция АҚШ тарихында еңбекқор қытай диаспорасының бірнеше ұрпағы қалдырған өшпес ізді және олардың тарихи үлесін көрсетеді.
Ұйымдастырушылардың айтуынша, көрменің мақсаты – Қытай мен АҚШ арасындағы қарым-қатынастың салауатты, тұрақты әрі орнықты дамуына ықпал ету үшін халықтарды жақындастыру, сондай-ақ екі ел арасындағы халықтық достықты одан әрі нығайтып, тұрақты дамыту.
