Қытайдың шығысындағы жағалауда орналасқан Чжэцзян провинциясының билігі биылғы тоғызыншы «Бави» тайфунының Қытайға жақындауына байланысты сәрсенбі күні төтенше жағдай режимін енгізді.
Чжэцзян провинциясының су тасқынына, құрғақшылыққа және тайфундарға қарсы күрес штабы жағалаудағы жергілікті билік органдарын тайфунның қозғалысын мұқият бақылауға және жан-жақты дайындық жұмыстарын жүргізуге шақырды. Атап айтқанда, маңызды кемелерді қауіпсіз жерге орналастыру, балық аулау кемелерін порттарда қорғау, теңіз бағыттарындағы қатынасты уақытша тоқтату және теңіз туризмі нысандарын жабу тапсырылды.
Провинциялық метеорологиялық қызметтің мәліметінше, сәрсенбі күні таңғы сағат 8:00-дегі жағдай бойынша «Бави» тайфуны Тайваньдағы Цзилун қаласынан оңтүстік-шығысқа қарай шамамен 1580 шақырым қашықтықтағы теңіз айдынында болған.
Синоптиктердің болжамынша, «Бави» тайфуны батыс бағытта сағатына шамамен 15–20 шақырым жылдамдықпен қозғалып, сәрсенбі күні кешке қарай біртіндеп солтүстік-батысқа бұрылады.
