15-бесжылдық жоспарды (2026–2030 жылдар) іске асыру кезеңінде Қытай жоғары технологиялық жабдықтардың, негізгі құрамдас бөлшектердің, энергия ресурстарының және сапалы ауыл шаруашылығы өнімдерінің импортын ұлғайтуды жоспарлап отыр. Бұл туралы Қытайдың Мемлекеттік кеңесінің Баспасөз кеңсесі ұйымдастырған баспасөз мәслихатында ҚХР Бас кеден басқармасының басшысы Сунь Мэйцзюнь мәлімдеді.
Оның айтуынша, билік импорт пен экспорттың теңгерімді дамуына ықпал етуді, халықаралық сауда ынтымақтастығын кеңейтуді және шетелдік серіктестермен жаңа келісімдер жасауды жалғастырады. Әсіресе жеткізуші елдердің ауқымын әртараптандыруға ерекше назар аударылады, бұл сыртқы сауда байланыстарының тұрақтылығын арттыруға мүмкіндік береді.
Сунь Мэйцзюнь Қытай әлемнің түкпір-түкпірінен келетін сапалы өнімдер үшін ішкі нарықты одан әрі ашуды жалғастыратынын атап өтті. Бұл шетелдік өндірушілерге жаңа мүмкіндіктер ұсынып, қытайлық тұтынушылар үшін тауар түрлерін кеңейте түседі.
