2026 жылдың бірінші жартыжылдығында Сычуань провинциясынан Қытай – Орталық Азия бағыттары бойынша контейнерлік жүк тасымалының көлемі айтарлықтай артты. Бұл туралы «Қытай темір жолдары» мемлекеттік корпорациясының Чэнду бөлімшесі хабарлады.
Алты ай ішінде провинциядан 299 жүк пойызы жөнелтілді, ал екі бағыттағы жалпы тасымал көлемі 27 мың стандартты контейнерге (TEU) жетті. Сонымен қатар экспорттық контейнерлік тасымал көлемі өткен жылдың сәйкес кезеңімен салыстырғанда үш есе, ал импорттық тасымал төрт есе өсті.
Логистиканың тиімділігін арттыруға бағытталған шаралардың нәтижесінде Сычуаньнан Орталық Азия елдеріне жүк жеткізу мерзімі 2–3 тәулікке қысқарып, тасымалдау шығындары 15 пайызға төмендеді.
Жыл басынан бері Сычуань провинциясындағы 100-ге жуық сыртқы сауда компаниясы өз өнімдерін экспорттау үшін Қытай – Орталық Азия теміржол бағыттарын алғаш рет пайдаланды.
