«Әлемдік супермаркет» атанған Чжэцзян провинциясындағы Иу қаласының сыртқы сауда айналымы 2026 жылдың бірінші жартыжылдығында 486,42 млрд юаньға (шамамен 71,6 млрд АҚШ доллары) жетіп, өткен жылдың сәйкес кезеңімен салыстырғанда 19,9 пайызға өсті.
Алты ай ішінде экспорт 17,3 пайызға артып, рекордтық 420,72 млрд юаньды құрады. Ал импорт көлемі 39,1 пайызға өсіп, 65,7 млрд юаньға жетті. Экспорттың ұлғаюына әлемдік нарықтағы спорт тауарларына деген жоғары сұраныс ықпал етті. Бұл өнімдердің экспорты 6,22 млрд юаньды, оның ішінде Латын Америкасы елдеріне жеткізілім көлемі 1,25 млрд юаньды құрады. Сонымен қатар, кедендік рәсімдеудің жаңа моделі экспорттық операциялардың тиімділігін 30 пайызға арттырып, сыртқы сауданың дамуына қосымша серпін берді.
Бірінші жартыжылдықта Иу әлемнің 230 елі және өңірімен сауда жүргізді. Тұтыну тауарларының импорты 19,5 пайызға өсіп, 31 млрд юаньға жетті. Әсіресе су өнімдері, машина жасау және электр техникалық өнімдерінің импорты айтарлықтай артты.
