Қытай 2021 жылы ұсынған Жаһандық даму бастамасы (GDI) 130-дан астам ел мен халықаралық ұйымның қолдауына ие болды. Бұл туралы бастаманың бес жылдығына арналған Бейжіңдегі жоғары деңгейдегі кеңесте мәлім етілді.
Ұйымдастырушылардың мәліметінше, 100-ге жуық мемлекет пен халықаралық ұйым Қытаймен GDI аясындағы ынтымақтастық туралы құжаттарға қол қойды, ал бастаманың Достар тобына бүгінде 88 ел мүше. Соңғы бес жылда GDI шеңберінде 23 млрд АҚШ долларынан астам қаражат жұмылдырылып, 120-дан астам елде 1800-ден аса жоба іске асырылды және 200 мыңнан астам маман даярланды.
Форумға қатысушылар бастаманың халықаралық ынтымақтастықты дамытуға, технологиялар мен тәжірибе алмасуға, сондай-ақ Жаһандық Оңтүстік елдерін қолдауға ықпал етіп отырғанын атап өтті. Ерекше назар цифрлық трансформацияға, жасанды интеллектке және орнықты дамуға аударылуда. БҰҰ мен бірқатар мемлекеттердің өкілдерінің пікірінше, GDI бірлескен дамуды ілгерілетудің және жаһандық басқарудың неғұрлым әділ жүйесін қалыптастырудың маңызды алаңына айналды.
