Қытай мен Еуропалық одақ биыл күзде сауда және инвестициялар жөніндегі консультациялар тетігі аясындағы екінші кездесуді өткізетін болып келісті. Бұл туралы ҚХР Сауда министрлігінің ресми өкілі Хэ Ядун мәлімдеді.
Оның айтуынша, соңғы бір айда тараптар келіссөздердің жаңа кезеңіне белсенді дайындалды. Қытай мен ЕО-ның жұмыс топтары 20-дан астам консультация өткізіп, тетіктің төрт негізгі бағыты бойынша сауда-экономикалық ынтымақтастық мәселелеріне қатысты жан-жақты пікір алмасты.
ҚХР Сауда министрлігі Қытайдың Еуропалық одақпен тұрақты диалогты жалғастыруға, өзекті мәселелер бойынша екі тарапқа да қолайлы шешімдерді бірлесіп іздеуге, екіжақты сауданың теңгерімді дамуына және Қытай мен ЕО арасындағы тұрақты экономикалық әріптестікті нығайтуға ниетті екенін атап өтті.
