Өзбекстанда А380 автомагистралінің маңызды учаскесін жаңғырту жұмыстары басталды. Жобаны қытайлық China Railway 20th Bureau Group Corporation Limited компаниясы жүзеге асырады.
Құрылыс жұмыстарының басталғаны жұма күні ресми түрде жарияланды. Салтанатты рәсімге Өзбекстан президенті Шавкат Мирзиёев бейнебайланыс арқылы қатысып, жобаның сәтті жүзеге асырылуына тілектестік білдірді. Жаңғырту жұмыстары автомагистральдің 581-ші шақырымынан 673-ші шақырымына дейінгі жалпы ұзындығы 92 шақырым болатын учаскені қамтиды. А380 — Өзбекстанның маңызды көлік артерияларының бірі.
Жоба қолданыстағы екі жолақты автомобиль жолын кеңейтіп, жаңғыртуды көздейді. Жүргізілетін жұмыстар автомагистральдің осы учаскесінің өткізу мүмкіндігін арттырып, жол инфрақұрылымын заманауи талаптарға сәйкестендіруге тиіс.Мердігер компанияның хабарлауынша, А380 автомагистралінің жаңғыртылған учаскесінде көлік қозғалысын 2029 жылы ашу жоспарланған.
