АҚШ президенті Дональд Трамптың шақыруымен Қытай Халық Республикасының Төрағасы Си Цзиньпин сәрсенбі күні түстен кейін арнайы рейспен Вашингтонға келіп, АҚШ-қа мемлекеттік сапарын бастады. Эндрюс біріккен базасына келген Си Цзиньпин мен оның жұбайы Пэн Лиюаньды ұшақ баспалдағында Дональд Трамп пен АҚШ-тың бірінші ханымы Мелания Трамп жылы қарсы алды.
Қытай Халық Республикасының Төрағасы Си Цзиньпин Қытай мен АҚШ екі ірі мемлекет ретінде жаңа дәуірде өзара іс-қимылдың дұрыс жолын таба алатынына сенім білдірді. Бұл туралы Қытай басшысы АҚШ-қа мемлекеттік сапармен келген кезде таратқан жазбаша сөзінде мәлімдеді.
Си Цзиньпин биылғы жыл Қытай мен АҚШ арасындағы қатынастарды дамыту үшін шешуші жыл екенін атап өтті. Дональд Трамптың мамыр айында Қытайға жасаған сапары кезінде тараптар Қытай мен АҚШ арасында сындарлы стратегиялық тұрақтылыққа негізделген қатынастар құру туралы уағдаласты. Қытай басшысының айтуынша, бұл екіжақты байланыстарды одан әрі дамытудың стратегиялық бағдарына айналды.
Си Цзиньпин Қытай мен АҚШ бір бағытта әрекет етіп, ынтымақтастыққа, ұстамды бәсекелестікке, басқарылатын келіспеушіліктерге және бейбітшілікке ұмтылуға негізделген тұрақты қатынастарды нығайтуға ықпал етуі тиіс екенін атап өтті.
