Қытай ғарыш кеңістігін басқаруды нығайту мәселелері бойынша өз ұстанымын баяндайтын құжатты жариялады. Онда қарулану жарысының алдын алу, коммерциялық ғарыш қызметін реттеу және ғарыш қызметінің қауіпсіздігін қамтамасыз етуді қоса алғанда, он негізгі бағыт ұсынылған.
Бейжің ғарыш кеңістігін бейбіт мақсатта пайдалануды, барлық мемлекеттердің оны зерттеуге тең қол жеткізуін және қолданыстағы ғарыш құқығы негізінде халықаралық ережелер әзірлеуді қолдайды. Қарулы қақтығыстардың алдын алуға және ғарыш кеңістігінің әскери текетірес алаңына айналу қаупін азайтуға ерекше назар аударылады.
Құжатта сондай-ақ ғарыштық ұшырулар туралы ақпарат алмасу, жерсеріктердің соқтығысуының алдын алу және ғарыш қоқысын бақылау тетіктерін дамыту көзделген. Қытай коммерциялық ғарыш компанияларына мемлекеттік қадағалауды күшейтуді және дамушы елдердің ғарышты игеруге қатысуын кеңейтуді ұсынады.Сонымен қатар ғарыш қызметінің халықаралық ережелерін қалыптастыруда БҰҰ-ның жетекші рөлін сақтаудың қажеттігі атап өтіледі.
