Қытайлық және африкалық музыканттар Найробиде өнер көрсетті

175
Фотосурет: Синьхуа

Кения астанасында қытайлық және африкалық өнерпаздардың қатысуымен концерт өтті. Музыкалық кеште Қытайдың дәстүрлі музыкасы, классикалық шығармалар және Шығыс Африкада кеңінен танымал әуендер орындалды.

«Алтын қоңырау саздары: Жібек жолындағы үндестік» атты музыкалық кеш Кения ұлттық театрында ұйымдастырылды. Іс-шараны China Arts and Entertainment Group Ltd. компаниясының қатысуымен Бейжің әдебиет және өнер қайраткерлері федерациясы өткізді.

Концерт бағдарламасына қытай халық музыкасының туындылары, сондай-ақ дәстүрлі музыкалық аспаптардың әуезін классикалық фортепиано үнімен үйлестірген шығармалар енді.

Кештің ең әсерлі сәттерінің бірі белгілі қытай әншісі У Бисяның Юньнань провинциясының «Мөлдір өзен ағады» атты халық әнін орындауы болды.

«Кенияға келіп, жергілікті көрермендерді Қытай мәдениетімен таныстыру мен үшін үлкен мәртебе», - деді әнші.

Бейжің әдебиет және өнер қайраткерлері федерациясы төрағасының атқарушы орынбасары Ма Синьминнің хабарлауынша, концерт Қытай мен Африка арасындағы гуманитарлық алмасулар жылы аясында ұйымдастырылған мәдени іс-шаралардың бір бөлігі болды.

Оның айтуынша, мұндай өнер көрсетілімдері халықтар арасындағы өзара түсіністікті нығайтуға және мәдениет саласындағы ынтымақтастықты дамытуға көмектеседі.

Найробиден кейін қытайлық өнерпаздар Африкадағы гастрольдік сапарын Эфиопияда жалғастырады. Ұйымдастырушылар алдағы уақытта концерттер өтетін елдердің географиясын кеңейтуді де жоспарлап отыр.

Музыкалық кеш Шығыс Африкада кеңінен танымал «Jambo Bwana» әнін бірлесіп орындаумен аяқталды. Көрермендер музыканттарға қосылып ән шырқады, ал концерт соңында зал ұзақ уақыт қол соғып, өнерпаздарға қошемет көрсетті.

Xinhua Silk Road - Belt and Road Portal, China

«DKnews.kz» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKnews.kz» © 2006 -