Өзбекстан энергетиканы дамытуға БРИКС банкінен 300 млн доллар алады

441
Фотосурет: Xinhua

БРИКС елдері құрған Жаңа даму банкі (ЖДБ) Өзбекстанмен 300 миллион доллар сомасына алғашқы кредиттік келісімге қол қойды. Қаражат көміртегі шығарындылары төмен энергетиканы дамытуға және елдің энергетикалық қауіпсіздігін нығайтуға бағытталады.

Қаржыландыру күн, жел, су және атом энергетикасын қамтитын жобаның бірінші кезеңіне қарастырылған.

Банктің хабарлауынша, жобаны жүзеге асыру Өзбекстанға электр энергиясына өсіп келе жатқан сұранысты қанағаттандыруға, табиғи газға тәуелділікті азайтуға және энергиямен жабдықтау көздерін әртараптандыруға мүмкіндік береді.

Бұл - 2026 жылғы 5 маусымда ЖДБ-ға қосылып, Орталық Азиядан осы қаржы институтына мүше болған алғашқы ел атанған Өзбекстанмен жасалған банктің бірінші кредиттік келісімі.

«ЖДБ Өзбекстанның энергетикалық жүйесін жаңғыртуға және елдің орнықты даму күн тәртібін жүзеге асыруға қолдау көрсетуге ниетті», - деді банктің вице-президенті әрі бас операциялық директоры Роман Серов.

Жаңа даму банкін 2015 жылы Бразилия, Ресей, Үндістан, Қытай және Оңтүстік Африка Республикасы құрды. Оның штаб-пәтері Шанхайда орналасқан. Банк БРИКС елдеріндегі, сондай-ақ нарықтық экономикасы қалыптасып келе жатқан басқа мемлекеттердегі инфрақұрылымдық жобалар мен орнықты даму бастамаларын қаржыландырады.

2021 жылдан бастап ЖДБ мүшелерінің құрамын кеңейте бастады. Оған Бангладеш, Біріккен Араб Әмірліктері, Мысыр, Алжир және Өзбекстан қосылды. Алғашқы кредиттік келісім Өзбекстанның банкпен қаржылық ынтымақтастығының жаңа кезеңін бастап, елдің энергетикалық инфрақұрылымын жаңғыртуға қосымша мүмкіндіктер ашады.

Xinhua Silk Road - Belt and Road Portal, China

«DKnews.kz» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKnews.kz» © 2006 -