Қытай – шетелдік таланттардың жұмыс істеуі және жетістіктерге жетуі үшін кең кеңістік беретін мүмкіндіктерге толы серпінді ел. Бұл 2023 жылғы Қытай үкіметінің Достық сыйлығын алған мамандардың пікірі.
Марапаттау рәсімі Бейжіңдегі Халық мәжіліс залында өтіп, онда 26 елден келген 50 шетелдік маман Қытайдың реформалары мен дамуына қосқан зор үлестері үшін марапаттарға ие болды. 1991 жылдан бері ресми түрде өткізіліп келе жатқан шараға 80-нен астам ел мен аймақтан 1900-ге жуық шетелдік қатысты.
2023 жылғы сыйлық иегерлерінің арасында 1998 жылы Қытайға көшіп келген Хэйлунцзян провинциясындағы Дацин офтальмологиялық ауруханасының қазақ офтальмологы Сәулебек Қабылбеков бар. «25 жыл ішінде мен 200 000 қытайлық науқасты көз ауруынан емдедім. «Мен Қытай үкіметінің Достық сыйлығымен марапатталдым, бұл менің еңбегімді мойындаудан да артық; бұл Қытай мен Қазақстан арасындағы достықтың дәлелі», - деген Қабылбеков қытайлық науқастарды емдеуге және екі ел достығына жаңа үлес қосуға дайын екенін жеткізді.
Норвегиялық сарапшы, БҰҰ Бас хатшысының бұрынғы орынбасары Эрик Солхайм осы жылдар ішінде Қытайдың экологиялық өркениет құрудағы үлкен жетістіктерінің куәсі болғанын айтты. Ол сондай-ақ бұл марапат жаһандық проблемаларға қарсы елдер арасындағы тілектестік пен ынтымақтастықтың маңыздылығын көрсетеді деді. «Мықты серіктестіктің негізі екі іргелі қағидаға жатыр: бір-біріне құрмет пен өркениеттер арасындағы диалог. Қытайдың достары ретінде біз мұны ұстануға тырысамыз», - деді Солхейм.
Қытай шетелдік таланттарды тарту үшін көп күш салуда. Ол табысты халықаралық ынтымақтастық үшін мүмкіндіктер тудырған жағдайда, болашақта әлемнің үздік таланттары үшін тартымды болып қала береді», - деді француздық биоәртүрлілік бойынша сарапшы және Франция ғылым академиясының мүшесі Ивон Мари Эффлам Ле Махо. «Мен қытайлық әріптестеріммен ынтымақтастықты нығайтуды жоспарлап отырмын. Олар, менің ойымша, тамаша ғылыми деңгейге жетті», - деді Махо.
Шанхайдағы Нью-Йорк университетінің проректоры Джоанна Уэйли-Коэн: «Болашақта Қытай әртүрлі мамандықтар өкілдері үшін өте танымал орынға айналады», - деді. «Адамдар Қытайға неғұрлым көп келсе, соғұрлым олар Қытай туралы көбірек біледі, өйткені Қытайды мұнда жеке келмей түсіну мүмкін емес».
Қытай шетелдік сарапшылар мен басқа да таланттардың өзін-өзі дамытуға кең орын беріп отырған мүмкіндіктерге толы серпінді ел екенін атап өткен марапат иегерлері Қытайдың дамуына белсенді түрде атсалысып, Қытай мен әлемнің қалған бөлігі арасында байланыс көпірі қызметін атқара беретіндерін айтты.
