Қазақстанның Испаниядағы Елшісі Данат Мұсаев Дүниежүзілік туристік ұйымның (ЮНВТО) Бас хатшысы Зураб Пололикашвилимен кездесу өткізді, деп хабарлайды DKNews.kz.
Кездесу барысында Қазақстанның ұйыммен өзара іс-қимылының өзекті мәселелері бойынша пікір алмасылды, сондай-ақ өзара іс-қимылды одан әрі дамыту және нақты жобаларды іске асыру мүмкіндіктері талқыланды.
Атап айтқанда, Қазақстандағы медициналық туризм саласындағы, сондай-ақ басқа да перспективалы бағыттардағы ынтымақтастыққа ерекше назар аударылды.
Өз тарапынан З.Пололикашвили Қазақстанмен қарым-қатынастың жоғары деңгейін атап өтіп, қазақстандық бастамаларға ықтимал жәрдем көрсетуге дайын екендігіне сендірді.
Кездесу қорытындысы бойынша әңгімелесушілер күн тәртібіндегі өзекті мәселелер бойынша жұмысты жалғастыруға келісті.
