Қазақстан Республикасының Президенті Қасым-Жомарт Тоқаевтың 2023 жылғы 1 қыркүйекте жарияланған «Әділетті Қазақстанның экономикалық бағыты» атты жыл сайынғы Қазақстан халқына Жолдауы барысында айқындалған саяси, экономикалық және әлеуметтік реформалар бағдарламасына, сондай-ақ Қазақстанның сыртқы саяси қызметіне арналған конференция өтті, деп хабарлайды DKNews.kz.
Іс-шараға Пәкістанның жетекші бұқаралық ақпарат құралдарының өкілдері, ғылыми сарапшылар мен елорданың академиялық топтары қатысты.
Мәртебелі қонақ ретінде Исламабад саяси зерттеулер институтының (IPRI) президенті доктор Раза Мухаммад шақырылды.
Конференция спикерлері IPRI директоры доктор Раашид Вали Джанжуа, «Әлемдегі Пәкістан» басылымының негізін қалаушы және редакторы Тазин Ахтар, Пәкістанның «Бірлескен болашағы бар қауымдастықтар» зерттеу орталығының атқарушы директоры Халид Таймур Акрам және Еуразиялық ғасыр институтының Президенті Ирфан Шахзад Такалви болды.
Өзінің басты сөзінде Қазақстанның Пәкістандағы Елшісі Ержан Қыстафин Мемлекет басшысы Жолдауының негізгі бағыттарын ашып, әсіресе, Республика Президентінің Қазақстан экономикасына басым деп белгілеген бірқатар салаларын (ауыл шаруашылығы өнеркәсібі, машина жасау, әскери және көліктік-логистикалық салалары) атап өтті. Бұл тұрғыда Пәкістанның бар тәжірибесі мен әзірлемелерін ескере отырып, ынтымақтастық мәселесі үлкен қызығушылық танытады.
Елші Мемлекет басшысының «Солтүстік-Оңтүстік» халықаралық көлік дәлізін дамыту жөніндегі тапсырмасын ерекше атап өтті, оның аясында Ислам Республикасы Қазақстан мен бүкіл Орталық Азия үшін Карачи және Гвадар қалаларда орналасқан теңіз порттары арқылы ашық мұхитқа қолжетімділікті қамтамасыз ету арқылы маңызды рөл атқара алады және атқаруға тиіс.
Іс-шараның негізгі спикері доктор Р. Джанжуа Қазақстанның саяси реформаларын жүзеге асырудағы, сот жүйесін жетілдірудегі, тежемелік пен тепе-теңдіктің теңгерімді жүйесін құрудағы жетістіктерін атап өтті. Баяндамашы, мемлекеттік басқарудағы меритократия принципінің сабақтастығын және Қазақстанның саяси жүйесінің инклюзивтілігін айтты.
БАҚ өкілі Т. Ахтар «Біртұтас қазақ елін құру» мәселесінде қазақстандық бастамалардың табыстылығын және мемлекеттің жетістіктерін атап өтті. Сот жүйесіндегі жаңашылдықтарға ерекше тоқталды. Баяндамашы Мемлекет басшысының әлеуметтік саланы, әсіресе мектептегі білім беруді дамытуға бағытталған күш-жігерін айтты.
Х. Акрам Қазақстан басшылығының экономикалық, әлеуметтік және мәдени ынтымақтастықты жолға қоюға назар аудара отырып, мемлекеттің экономикалық өзін-өзі қамтамасыз етуіне қол жеткізуді жақтайтынын мәлімдеді. Х. Акрам Қазақстандағы IT секторының, цифрландырудың және финтех индустриясының прогрессивті дамуына назар аударды. Спикер Қазақстанның Орталық Азиядағы технологиялық хаб ретінде пайда болуын болжайды.
Еуразиялық ғасыр институтының президенті И. Такалви Президент Қ.Тоқаевтың бастамаларын жүзеге асыру Қазақстан үшін де, бүкіл Азия аймағы үшін де маңызды деп санайды. Баяндамашы Қазақстанның жаңа әлеуметтік бағытын, мемлекеттің болашақ ұрпаққа қолайлы жағдай жасауға ерекше көңіл бөлуін ерекше атап өтті. Сарапшы айтылған бастамаларды жүзеге асыру үшін Мемлекет басшысы белгілеген нақты мерзімдерге оң бағасын берді.
Қорытындылай келе, мәртебелі қонақ, Елші доктор Раза Мұхаммед Қазақстан өзінің конституциялық реформаларымен мемлекеттік институттар мен азаматтық қоғам арасында теңгерімді құра отырып, аймақ елдеріне үлгі көрсетіп отырғанын айтты. Сот төрелігін жетілдіру және тиімді сыртқы саясат барысы оң бағаланды.
Жалпы, пәкістандық сарапшылар қоғамдастығы Қазақстанда жүргізіліп жатқан реформаларға, Қазақстан халқына Жолдауында айтылған өршіл көзқарасқа оң баға беріп, оны саяси күн тәртібінде ықтимал қолдану үшін қазақстандық тәжірибені зерделеу қажеттігін атап өтті.
