Қазақстан Республикасы Президенті Іс басқармасының Президенттік орталығында «AMANAT» партиясы «Birlik» филиалының бастамасымен Мемлекет басшысы Қ.К.Тоқаевтың 2023 жылғы 1 қыркүйектегі «Әділетті Қазақстанның экономикалық бағдары» атты Жолдауын түсіндіру бойынша ақпараттық-насихаттау тобының мүшелерімен кездесу өтті, деп хабарлайды DKNews.kz.
Іс-шараға «Birlik» филиалының атқарушы хатшысы Азат Ибраев, Қазақстан Республикасы Президенті жанындағы Ұлттық Құрылтай мүшесі Шерзод Пулатов және Қазақстан Республикасы Орталық сайлау комиссиясының бас консультанты Венера Жексембекова қатысты.
Отырыс барысында Қазақстанның жаңа экономикалық модельге біртіндеп көшуіне бағытталған алдағы құрылымдық өзгерістер талқыланды. Сонымен қатар, Жолдауда айтылған цифрландыру, креативті индустрияны дамыту, "Адал азамат" тұжырымдамасын енгізу және басқа да тезистері қарастырылды.
