Астанада BNB Chain Connect іс-шараларының жаһандық сериясы өтеді, деп хабарлайды DKNews.kz.
BNB Chain жетекші блокчейн экожүйесі Astana Hub халықаралық технопаркі және блокчейн орталығымен бірлесіп Астанада ауқымды іс-шара ұйымдастырады. BNB Chain Connect шараларының жаһандық сериясының бөлігі болып табылатын бұл маңызды оқиға 2024 жылдың 3 сәуірінде Astana Hub алаңында өтеді.
BNB Connect – Web3 және блокчейн кеңістігіндегі негізгі көшбасшылар, құрылтайшылар мен әзірлеушілер арасында байланыстар мен өнімді диалог құруға бағытталған бастама. Бұл BNB Chain мен Қазақстандағы технологиялық даму арасындағы стратегиялық конвергенция, онда саланың ағымдағы мәселелері мен болашақ перспективалары талқыланады.
Іс-шара барысында:
- жетекші қауымдастық сәулетшісі BNB Chain экожүйесін ұсынады.
- сала сарапшылары, соның ішінде BNB Chain шешімдерінің аға сәулетшісі және блокчейн экожүйесінің жетекші инженері сөз сөйлейді.
- кейтеринг аясында сарапшылармен нетворкинг сессиясы, соның ішінде әртүрлі интерактивті іс-шаралар мен мерчтер ұтысы өтеді.
Шараны BNB Chain жетекші блокчейн экожүйесі мен Astana Hub халықаралық технопаркі, Blockchain орталығы ұйымдастыруда. Қатысу үшін https://lu.ma/bnbastana сілтемесі арқылы тіркелу қажет. Барлық сұрақтар бойынша: kaskyrbek@centerofblockhain.com, aisulu@centerofblockchain.com.
BNB Chain - бұл Web3 қабылдаудағы кедергілерді жоюға бағытталған қауымдастық басқаратын блокчейн экожүйесі.
Astana Hub – IT-стартаптарға арналған халықаралық технопарк, онда жоғары технологиялық компанияларды тіркеу, дамыту және жұмыс істеуі үшін қолайлы жағдай жасалған.
Blockchain Center – блокчейн индустриясында адами капиталды дамытуға, тұрақты және сенімді экожүйені құруға, Орталық Азияда және одан тыс жерлерде блокчейн технологиясының өсуін ынталандыруға бағытталған зертхана.
