Қарағанды облысында мал ұрлығымен айналысқан бақташы ұсталды, - деп хабарлайды Деловой Қазақстан.
АР
21 қыркүйекте полиция бөліміне қыстаулардың бірінде екі жылқы жоғалып кеткені туралы хабарлама түсті. Келтірілген шығын көлемі 500 мың теңгені құрады. Оқиға орнына жедел-тергеу тобы келіп, іздеу жұмыстарын жүргізе бастады.
Негізгі күдікті 33 жастағы қойшы болды. Ер адамның айтуынша, ол жылқыларды белгісіз адамға сатқан көрінеді. Тергеу кезінде анықтағандай, жылқыларды ұрлаған бақташы, өзінің сыбайласы, Теміртау қаласының 50 жастағы тұрғыны екеуі жылқыларды белгілі бір адамға етке сатқанын мойындады.
Сонымен қатар, ұрылардың екі күн бұрын шаруа қожалықтарының бірінің 73 жастағы басшысына тиесілі жылқыны ұрлауға қатысы бар екені белгілі болды. Бұл жағдайда келтірілген шығын көлемі 250 мың теңгені құрады.
Аталған факті бойынша ҚР Қылмыстық кодексінің 188-1-бабы (Мал ұрлығы) бойынша қылмыстық іс қозғалды. Қазіргі уақытта тергеу жүріп жатыр. Полиция ұсталғандардың осыған ұқсас басқа да қылмыстарға қатыстылығын анықтауда.
