Баптау
Тіл
Тақырып
Жаңарту

Қазақстан Елшісі Айдарбек Тұматов Ирак Президентіне сенім грамоталарын тапсырды

730

Қазақстан Республикасының Иордан Хашимит Корольдігіндегі Төтенше және Өкілетті Елшісі Айдарбек Тұматов Ирак Республикасының Президенті Бархам Салихке оны мемлекетіміздің Бағдадтағы Елшісі  қызметін қоса атқарушы ретінде аккредиттейтін сенім грамоталарын тапсырды, деп хабарлайды Деловой Қазақстан.

Салтанатты рәсімнен кейін болған екіжақты кездесу барысында екі ел арасындағы түрлі салалардағы өзара тиімді серіктестіктің қазіргі жағдайы және оны одан әрі дамытудың өзекті аспектілері талқыланды, сондай-ақ ү.ж. 12-13 қазанда Қазақстанда өтетін АӨСШК 6-шы Саммитіне дайындық барысы қарастырылды.

Бұдан бір күн алдын Ирак Сыртқы істер министрінің м.а. Салех әл-Тамимимен өткен кездесу өтті. Келіссөздер барысында тараптар екіжақты күн тәртібіндегі өзекті мәселелер бойынша пікір алмасып, сауда-экономикалық және мәдени-гуманитарлық салалардағы өзара тиімді әрекеттердің жаңа бағыттарын белгіледі.

Сондай-ақ, отандық дипломат Ирак үкіметіне «Русафа» гуманитарлық операциясы аясында қазақстандық балаларды елге қайтаруға көрсеткен көмегі мен қолдауы үшін тағы да алғысын білдірді. Осы тұрғыда қылмыстық істер бойынша құқықтық көмек көрсету, экстрадициялау және хабар-ошарсыз кеткен адамдарды іздестіру саласындағы өзара іс-қимылдың, соның ішінде тиісті құқықтық негізді нығайту арқылы, жаңа тәсілдері талқыланды.

Аталмыш кездесулер барысында Ирак тарапы Қазақстанмен көп қырлы ынтымақтастық одан әрі дамыту мен тереңдетуге мүдделі екенін растады.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Приложение DKNews для Android Приложение DKNews для iPhone
МИА «DKNews» © 2006 -