Екі елдің сарапшылары дипломатиялық қатынастардың орнағанына 30 жыл толуына және Қазақстан-Әзербайжан сарапшылық кеңесінің құрылуына арналған дөңгелек үстел отырысында Қазақстан-Әзербайжан ынтымақтастығының жай-күйі мен даму перспективаларын талқылады, деп хабарлайды Деловой Қазақстан.
Отырысқа қатысқан Әзербайжандағы Қазақстан Елшісі Сержан Әбдікәрімов, ҚР Президенті жанындағы Қазақстандық стратегиялық зерттеулер институтының директоры Еркін Түкімов, Әзербайжанның халықаралық қатынастарды талдау орталығының басқарма төрағасы Фарид Шафиев, сарапшылар, саясаттанушылар, екі елдің талдамалық және қоғамдық ұйымдарының өкілдері Қазақстан мен Әзербайжанның 30 жылдық мерейтойына достық және өзара тиімді екіжақты байланыстарды нығайтудағы жетістіктер мен табыстардың қомақты жүгімен келіп отыр деген ортақ пікір айтты.
Өз сөзінде Елші танымал саясаткерлер, кәсіпкерлер, ғылым, білім, мәдениет және спорт қайраткерлері бар Қазақстандағы көптеген Әзербайжан диаспорасы тұрақты және нығайтушы фактор мен рухани көпірге айналғанын атап өтті. ҚР Парламенті Мәжілісінің депутаттары Әбілфас Хамедов пен Магеррам Маггерамов, бокс және ауыр атлетика бойынша әлем чемпиондары Галиб Джафаров пен Ниджат Рагимов, танымал музыкант Бахтияр Мамедов (Jah Khalib) және тағы басқалар Қазақстанның экономикалық, мәдени мен саяси дамуына және екіжақты қарым-қатынастарға өздерінің лайықты үлестерін қосуда.
Іс-шараның ерекшелігі оның бейресми сипаты болды, ол сөз сөйлеушілерге Сарапшылық кеңестің одан әрі дамуына қатысты, әсіресе жаңа геосаяси жағдайлар кезеңінде өз көзқарасын білдіруге мүмкіндік берді. Еркін Түкімовтың айтуынша, осындай кеңесті құру екі ел арасындағы қарым-қатынастағы үздіксіз әрі кешенді кезең болмақ.
Іс-шара Қазақстан-Әзербайжан сарапшылар кеңесін құру туралы меморандумға қол қоюмен аяқталды, ол осы елдердің өңірде болып жатқан оқиғаларға уақтылы ден қоюына, оларды дұрыс бағалауға түрткі болады. Меморандумға қол қойылғаннан кейін екі елдің ақыл-ой орталықтарының жұмысы, аналитикалық баяндамалар, есептеулер және басқа жобалар сияқты бірлескен зияткерлік өнімдер өндірісі жандандырылады деп күтілуде.
