Биыл Алматы облысында Қазақстан халқының бірлігі күні кең көлемде аталып өтеді.
Бұл туралы Этносаралық қатынастарды дамыту бөлімі – Қазақстан халқы Ассамблеясы хатшылығының басшысы Жандар Асан Telegram арнасында жазды.
«Биыл алғаш рет Алматы облысында Қазақстан халқының бірлігі мерекесі бір апта бойында аталып өтілуде. Өңірлік ҚХА-ның бастамасымен «Ортақ мақсат. Бір мүдде. Баянды болашақ» онкүндігі жарияланды. Оның шеңберіндегі іс-шаралар 24 сәуірден бастау алып, 1 мамырға дейін жалғасады Жандар Асан
Ж. Асанның мәліметінше, мерекелік шаралар облыстық ҚХА жанындағы құрылымдар мен этномәдени бірлестіктердің қатысуымен іске асырылуда.
Атап айтқанда, «Біздің мүддеміз ортақ» жалпы атауымен аймақтағы этнос өкілдерінің мәдениет фестивальдері өткізілді. Сонымен қатар әлеуметтік желілерде «Бір шаңырақ астында» челленджі, «Күшіміз – бірлікте» айдарымен мерекелік құттықтаулар сериясы кеңінен жалғасын тапты.
«Мерекелік іс-шаралардың басым бөлігі 1 мамыр күні Қонаев қаласының орталық алаңында өткізілмек. Онда мерекелік композиция, еліміздің эстрада жұлдыздары мен Алматы облысы филармониясының және «Асыл» балалар шығармашылық орталығының қатысуымен мерекелік концерттер көпшілік назарына ұсынылады. Бұдан бөлек, этномәдени орталықтардың, қолөнер шеберлері мен балалар шығармашылығының көрмелері де ұйымдастырылмақ» Жандар Асан
Айта кетейік, Қазақстан халқының бірлігі күніне арналған мерекелік іс-шаралар 1 мамыр күні сағат 10:00-де Қонаев қаласының орталық алаңында басталады.
